اخباركم وش مسوين بالاجازة انشاء اله بخير دوم يارب ؟
اليوم نقلت لكم خبر او قصة بس حبيت احطها هنا وهي :
قصة فضيحه طالبه سعوديه بالرياض بالصو تعالو يالبنات واخذو العضبه والعبره
بسم الله الرحمن الرحيم ..
فضيحة طالبه سعودية في ثانوية في الرياض ؟؟؟؟
اليكم هذه القصة الغريبة التي يقشعر لها البدن طبعا انتم استغربتو حاطتها هنا حطيتها هناا عشاني .. حطيتها بمنتدى الاخبارولا رد احد فقررت احطها هنا
القصه تقول ان فيه بنت تدرس في الثانويه واسمها (عبير ) مره راحت السوق مع امها
وقابلت واحد ورقمها المهم اخذت الرقم واتصلت عليه تعرفت عليه وهو اسمه (خالد)
تعرفوا على بعض وزادت العلاقه وقوت بينهم ...
كل واحد منهم يبي يقابل الثاني ولا لقو طريقه وفجأه جت فكره لخالد...
قال اقول عبير ورى ما نتقابل عند المدرسه ..
قالت عبير:: كيف وضح؟؟؟
قال اسمعي انتي ابوك ينزلك الصباح ويروح الدوام صح؟
قالت :صح عليك..
قال انا امرك وتركبين معي
قالت بس المديره بتكلم على البيت
قال :: افصلي التليفون وارتاحي
قالت::بس خايفه اتوهق
قال جربي ونشوف
المهم راح ابو عبير ووصل بنته للمدرسه ومشى ..
وثواني الا وخالد واقف وركبت
عبير بسرعه وراحوا افطرو في ذا الكوفي شوب الفخم وجلسو يسولفون ويمزحون مع بعض لين تمت الساعه 12:15
راح خالد ونزل عبير ورجعت البيت وهي خايفه بس محد درى ..
وكلمت خالد على طول وقالت ان اهلها ما درو وطمنته وسولفوا شوي وقال خالد وش رايك اقابلك بكره
قالت :لالالا مو كل مره تسلم الجره
قال :المره ذي جايب لك هديه
قالت :مر واشوف الوضع
ومر خالد في الوقت نفسه وركبت عبير
المهم اخذو على هالحال اسبوع كامل من السبت الى الاربعاء ...
وجاء يوم السبت اليوم اللي نست فيه عبير تفصل التليفون.. وطلعت مع خالد ..
ولا التليفون يرن ..قامت ام عبير (يالله صباح خير)
ام عبير:الو
المديره ::الو السلام عليكم
ام عبير :عليكم السلام من تتكلم؟؟
المديره::انا الاستاذه هدى مديرة المدرسه اللي تدرس فيها بنتك
ام عبير::هلا عسى ما شر
المديره :لا ما فيه الا الخير بس عبير لها اسبوع ما داومت عسى ماهي مريضه ؟؟
ام عبير ::كيف ...((وصرفت الموضوع)) ايه الله يسلمك البنت مرضت شوي بس
المديره :: زين الحمد الله على سلامتها مع السلامه ::
ام عبير دارت بها الدنيا وما تدري وش تسوي هل تعلم ابو عبير ولا تمسك البنت وتسألها ؟؟..؟؟
المهم قالت لابو عبير عن كل شيء وقال اسمعي لا تقولين لها اي شيء انا بشوف وين تروح...
ويوم الاحد وصل ابو عبير بنته ومشى شوي وصفط يمين الا هاك االلكزس تمر وتركب عبير بنته
المهم اللكزس كانت مضللله ومشى وراها ابو عبير الين هاك الشقق ونزلت عبير وخالد
ووقف ابو عبير ونزل ومسك راعي الشقق وقاله في اي شقه ؟
وعلمه شقه 14 وطلع ابو عبير وهو يرقى الدرج كان خالد نازل وما انتبه ابو عبير
له المهم طق الباب وفتحت عبير وانصدمت
يوم شافت ابوها قام وضربها وهي هجت للمطبخ
واخذت السكينه تبي تروع ابوها وغلطت وطعنته في صدره وطاح الابو مغمى عليه
وجا خالد وشاف الموقف وقال لعبير بسرعه شيليه معي للحمام
وحطوه في ((البانيو)) وملوه مويه وحطو عليه صابون الغسيل عشان الرغوه وطلعو...
ورجعت البنت للمدرسه وهي تفكر في اللي صار حقيقه ولا خيال ..
المهم طلعت من المدرسه ورجعت مع الباص وطقت باب البيت الا المفاجأه الغريبه ابوها فتح لها....
وصاااااااااااحت وقالت ::ابوي مو معقول
VV
V
V
V
v
V
V
VVV
رد أبوها :
((مع تايد للغسيـــــــــل ما في مستحيــــــــــــــــــــــل))
تعيشوووو وتاكلوووو غيرها
هههههههههههههههههههههههههههههههههههههههههههه
ترني قلت خبر عاجل عشان تنطوا على الموضوع اظن انكم تحبوا الاخبار العاجله هههههههه
ههههههههههههههههههههههههههههه
منقول
وفي الآخر مزحه ياااااااشريرة هههههههههه فعلا انك موهوبة بس تستاهلين الحبس الى أجل غير معلوم