منتديات سبيس باور

 
الرئيسيةس .و .جبحـثالتسجيلدخول

شاطر
 

 يا أصيلة

اذهب الى الأسفل 
كاتب الموضوعرسالة
$~~ HISOKA~~$
شمس المنتدى
شمس المنتدى
$~~ HISOKA~~$

الأوسمة :
ذكر عدد الرسائل : 16396
العمر : 22
الإقامة : !!! EVERYWHERE
الدولة : يا أصيلة Soudiarabian
الجنسية : يا أصيلة Unknow
تاريخ التسجيل : 04/11/2017
السٌّمعَة : 35

يا أصيلة Empty
مُساهمةموضوع: يا أصيلة   يا أصيلة Icon_minitimeالإثنين مايو 13, 2019 3:11 am

حلّفتَ النجيمات الحنينة 
تلولي دميعاتك 
الغرقانة في بحر الهموم
العدم.. 
حلّفتها برب الوجود
ما تخليكي لحظة
تقاسي وحشة الغربة 
الضياع .. 
وتتكسر مقادفك 
وسط أمواج الزمن 
السجم.. 
أصلك اصيلة ما
حتى النخاع 
المطر.. 
بيفرح لفرحتك
والقماري..
بتضحك لضحكتك
وحتى الشموس
تفتش بريقك
وكتين ما يضّوي 
في مسامات 
الظُلَم
أصلو ضوّك ما 
تاج الشموس 
وبدونه أصلاً 
فرحتها
كيف تتم
وإنتي.. 
ياحيبية ويارفيقة.. 
ياكي لي وطناً كبير
وكت ينجرح عشم
الخاطر الحنين
وساعة تتوه خطواتي
جوّه الزمن السراب
وفي سراديب الوهم..
وإنتي
ياكي لي 
حضن أخضر فسيح
وكت يلفحني الهجير
بقسوته
ولما ينكسر.. 
خاطر رجاي..
تكتلو الحسرة 
وبالخوف ينهزم.. 
في شراييني 
منحوتة صورتك
وصوتك الوهاج 
صداهو
في دواخلي
بيتردد أغاني
وبيعزف نغم.. 
إدفقتي
في جواي شعاع
شفتَ بيهو فرح الجروف
المبسوطة من صوت 
السواقي 
وساكن
في خضارها العشم
عشم باكر
ساعة الصباحيّة
وكت يمد النخيل إيدو
يسالم في خيوط الشمش 
المشتاقة
شوق شديد 
كيف وكم 
علمتيني 
كيف بيكون 
معنى الأمل
كيف بنهزم
الخوف 
قدام الصمود الجبل
وين محل ما يكون
في نجم ضاوي 
أمشي قاصدو
بعزيمة بلا وجل 
ما أرقد أبداً
علي شوك ظلم
طاعن الحلق 
حسرة وندم 
والما بيّتم الليلة
لازم وباكر 
حتماً بيّتم
وكنتي ديمة
يا حبيبة
تلولي 
في حلمي الصغيّر
راجية البشارة 
يقولو ليك 
كبر
وكت فُتك 
ستفت حقايبي
بي وجع الفراق 
وكان وجع الفراق
زاداً للسفر 
إلا أبداً وحاتك 
مانسيت 
سمرة الطيّن الخصيب
وبحرك الرويان حنين 
وتسابيح النوارس 
ونشيد المطر
وكيف أنسى 
فرح جدايلك 
ممتد ضل كبير
غطا للجروف
يزرع فوق ربوعها 
العشم
وكيف أنسى 
عرق الغلابة 
الشال فوق إيديك
حنّة سمح خضابها 
وكيف أنسى 
ناساً عزاز
عيونهم أحضان وطن
وقلوبهم غيم محنّة 
يرش مطر 
وكيف أنسى 
مراكب صامدة 
تقدل في نيل عيونك
وقمرة ضاحكة 
ترقص في بحر شجونك 
برشاقة وبفهم
وكان هناك 
في جوف الحلم
سلسلة للمآسي
زي غولاً كريه
كشف حال الأرض
الأصلاً كان بيعاني
وهدّ حيل السواقي
وكمان نشّف ريق الجروف
الكان حلمها النبيل
لأجفان الثرّيا بيهاتي 
وكتين كبرتْ وكِبرتْ 
سلسلة المآسي 
جانا تمساحاً يتاتي
ولمّن إتعلم المشي
أكل جلودنا الضاربها اليباس
ومصّ عضم النيل النضيف
والنيل أصلو الحياة
أصلو الأمل أصلو الأماني
من فعلتو
النيل لابس نزيف
وما خلى لينا البتكتح
وكل شي 
بقى في دائرة العدم
نتّصبر نرجى الفرج
من رباً لطيف
ستار يا عليم 
ستار يا لطيف
أخير يا أخوان الوجعة
نتشالب الوجع الصعب
عشان فوق شفاه الرصيف
ماتت بسمة أزاهير متوهجة
منتظرة مطر الخريف
ما اصلو نحنا من زمن 
نزلنا ضيفان على الرصيف
ورضينا بالهم الرّدي
بس الهَم من تالانا
قاهرنا تب 
يعربد في أرضنا
ويقطّع في حلمنا
وما داير ابداً يقيف
زمناً كعب
يجيب المصائب
ويلد التعب
ويسرق مننا 
حتى الضل الوريف
يا ويل لو وقع 
في حفرة الضعيف
منو البسندو
ومنو زاتو البيرفعو
ما أصل التمساح الكان بتاتي
ونشّف حال الخلق
راجيهو بفارغ الصبر 
عشان يدفنو تاني 
في جوف الجًب المخيف
وكان هناك 
في المدرسة
طابور المصائب 
واااقف من زمن 
إنصرف 
دخل 
فصل المحن
وصنقر فوق الكنب
لا داير القراية
ولا داير الكتابة 
ولا داير العِلم
وقعد يشرّط في الكتب
وداير كمان 
يكسر القلم 
هو أصلاً 
داير التمن 
تمن الجهل 
تمن الخنوع 
تمن التمن
قعدنا نتلفت نعاين 
فوق العرش 
ومن شبابيك الفصل
نكوس لعيونك 
تمسح الخوف في قلوبنا
وتمحي العذاب المحل 
وفجأة 
من عمق المواجع 
الحزينة
طلت عينيك الحنينة
شايلة جرتق النيل
بين رموشها
وعزّة بلدنا وشموخها
وافراح المدينة 
و باقّة زي ضو الرتيّنة 
تنادي فينا 
أوعاكم 
تفرّطوا في الوطن
أوعاكم 
تبيعوا الوطن
مهما كان المغريات
ومهما كان التمن
وعلي صدر السبورة الوريفة
كتبنا بالطبشور
قصة الوجع المخيفة
ولما مسحنا السبورة
مسحنا معاها 
ضلمة الجهل العتم
ورجعت لينا كتبنا زاهية
وقلمنا يتحدى الظُلم 
وكسرنا 
طابور المصايب
وهزمنا 
زمن الخاذوق
الوهم
الله عليك يا اصيلة 
والله علي عيونك
يا نبيلة 
ديل عيونك 
غطا لوجع مكشوف
يساسق في درب الصبر
لمن كملت سنين العمر
وجعاً
مرقت ضلوعه تتاوق
فوق حيطة الزمن الغشيم
أكان تلقالها شي
يسكّت جرحاً مرير
جوه الحنايا
انكتم 
وفي عيونك يا أصيلة 
إتحكرّتْ قيم الإلفة 
ساس..
مالو لو أي واحد فينا
عشق عيونك 
واصبح عشق عيونك 
دستور نبيل
حاضن الجميع
من أصغر صغير
لي أكبر فهم 
ولاميّ كل الأطياف 
تحت ظلالك 
وفي رحابك.. 
من حلة .. لحارة 
لفريق .. لعشيرة
لقبيلة .. لبلد
بريدك يا بلد.. 
وريدك إتوسد خواطري
وجاري في شرياني 
دم ..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
يا أصيلة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات سبيس باور :: (¯`·._.·[المنتديات الادبية]·._.·`¯) :: منتدى الشعــــــر والخواطر :: مواضيع التحدي-
انتقل الى: